Bir aptalyq lokdaýn: Almatyda qansha adam ýaqytsha jumyssyz qalady

ALMATY. QazAqparat- Bir aptaǵa engizilgen shekteý sharalary negizinen qoǵamdyq tamaqtaný nysandaryna áserin tıgizedi. Bul týraly onlaın brıfıng barysynda Almaty qalasynyń kásipkerlik jáne ınvestıtsııa basqarmasynyń basshysy Erkebulan Orazalın aıtty, dep habarlaıdy QazAqparat tilshisi.

Onyń aıtýynsha, bir aptaǵa engizilgen shekteý sharalarynan negizinen qoǵamdyq tamaqtaný nysandaryna áserin tıgizedi.Olarǵa tek jetkizip berý qyzmetine ruqsat etilgen.

«Bizdiń esebimizshe, bir aptalyq lokdaýn 200 myńǵa jýyq kásipkerlik nysanynda jumys isteıtin qyzmetkerlerdiń jalaqysynyń azaıýyna ákelip soǵady. Onyń 70 paıyzy qoǵamdyq tamaqtaný oryndarynyń qyzmetkerleri. Al saýda ortalyqtaryndaǵy taýarlarǵa shekteý sharalary aıaqtalǵan soń suranys qalypty bolady», - deıdi ol.

Sonymen qatar, ol bir aptalyq shekteý kezinde zardap shekken kásipkerlerge kórsetiletin naqty qoldaý sharalary joq ekenin aıtty.

«Degenmen ákimdik pen restoratorlar qaýymdastyǵy olardyń jaǵdaıyn ońaltý úshin birqatar usynysty talqylaýda. Onyń ishinde byltyrǵydaı meıramhana, kafe janyna arnaıy ruqsat almaı-aq jazdyq ashyq qoǵamdyq tamaqtaný ornyn jasaqtaýǵa múmkindik berý»,- deıdi basqarma basshysy.