Bir aptada Qazaqstanda qansha qylmys jasaldy

NUR-SULTAN. QazAqparat – QR Іshki ister mınıstrliginiń resmı ókili Nurdildá Oraz ótken aptada el aýmaǵynda qandaı qylmystar tirkelgenin aıtty, dep habarlaıdy QazAqparat tilshisi.

«Bir apta ishinde elde 2636 qylmys jasaldy. Onyń 1754-i táýlik ishinde ashyldy», - dedi Nurdildá Oraz QR ІІM baspasóz alańynda ótken brıfıng barysynda.

Resmı ókildiń aıtýynsha, polıtsııa qyzmetkerleri «izin sýytpaı» 10 kisi óltirýdi, 8 ólimge ákep soqqan densaýlyqqa qasaqana aýyr zııan keltirýdi, 45 tonaý jáne 404 bóten múlikti urlaý qylmystaryn ashty.

Sonymen birge, Táýelsizdiktiń 30 jyldyǵy qurmetine Memleket basshysy ishki ister organdarynyń 57 qyzmetkerin jáne Ulttyq ulannyń áskerı qyzmetshilerin memlekettik nagradalarmen marapattaý týraly Jarlyqqa qol qoıdy. «Táýelsizdikke 30 jyl» merekelik medalimen QR ІІM 739 qyzmetkeri men ardageri marapattalǵan.

Mınıstr Erlan Turǵymbaev «Barys», «Dańq», «Qurmet» ordenderin 18 basshyǵa tabys etti. Odan bólek, «Erligi úshin» medali 37 patrýldik polıtsııa qyzmetkerlerine, ýchaskelik ınspektorlarǵa, jedel ýákilder men tergeýshilerge tapsyrylǵan.