Bir aptada Qazaqstanda 2 738 qylmys tirkeldi – ІІM
«Bir apta ishinde 2738 qylmys jasaldy, onyń 1651 táýlik ishinde ashyldy. Polıtsııa qyzmetkerleri «izin sýytpaı» 10 kisi óltirýdi, 4 ólimge ákep soqqan densaýlyqqa qasaqana aýyr zııan keltirýdi, 3 qaraqshylyq, 29 tonaý jáne 402 bóten múlikti urlaý qylmystaryn ashty», - dedi Sh. Turlybek mınıstrliktiń baspasóz alańynda ótken brıfıngide.
Sondaı-aq, ótken aptanyń sońynda Premer-Mınıstr Álıhan Smaıylov Eldegi nashaqorlyqqa jáne esirtki bıznesine qarsy kúrestiń 2023-2025 jyldarǵa arnalǵan Keshendi josparyn bekitý týraly Úkimet qaýlysyna qol qoıdy. Bul qujat Memleket basshysy Qasym-Jomart Toqaevtyń 2022 jylǵy 1 qyrkúıektegi «Ádiletti memleket. BІRTUTAS ULT. Berekeli qoǵam» atty Joldaýynda berilgen tapsyrmalardy iske asyrý kezinde ázirlengen.
Onda qazirgi zamanǵy álemdik esirtki qaýpiniń erekshelikteri eskerildi, atap aıtqanda psıhoaktıvti zattardyń jańa túrleriniń úlesi artýy, esirtkini óndirý jáne taratýdyń sońǵy ádisteri qaperge alyndy. Qujatta zańnamalyq jáne normatıvtik quqyqtyq bazany jetildirý, qazirgi zamanǵy esirtki bıznesiniń syn-qaterlerine qarsy is-qımyldyń tıimdiligin arttyrý, halyqaralyq yntymaqtastyqty nyǵaıtý, qazaqstandyq qoǵamnyń esirtkige beıimdiligi deńgeıin tómendetý kózdelgen.