Bir aptada Qazaqstanda 2 587 qylmys tirkeldi – ІІM

ASTANA. QazAqparat – Bir aptada elimiz aýmaǵynda 2500-den astam qylmys jasaldy. Bul týraly Іshki ister mınıstrligi baspasóz qyzmetiniń ókili Shuǵyla Turlybek aıtty, dep habarlaıdy QazAqparat tilshisi.

«Bir aptada 2587 qylmys jasaldy, onyń 1529-y táýlik ishinde ashyldy. Polıtsııa qyzmetkerleri «izin sýytpaı» kisi óltirýge qatysty – 7, ólimge ákep soqqan densaýlyqqa qasaqana aýyr zııan keltirýge qatysty – 5, sondaı-aq 27 tonaý jáne 336 bóten múlikti urlaý qylmystaryn ashty», – dedi Sh. Turlybek mınıstrliktiń baspasóz alańynda ótken brıfıngide.

Sondaı-aq ótken aptada Prezıdent Qasym-Jomart Toqaevtyń tóraǵalyǵymen Іshki ister mınıstrligi alqasynyń keńeıtilgen otyrysy ótken. «Polıtsııa jumysynyń servıstik modeli engizilýde. «Polıtsııa qadamdyq qoljetimdilikte» qaǵıdatyn engizýge baǵyttalǵan naqty sharalar qabyldandy. Endi osy qarqyn qandaı jaǵdaıda da tómendemeýi kerek. Biz pılottyq joba aıasyndaǵy nátıjelermen shektelmeýge tıispiz. Sonymen qatar sotqa deıingi is júrgizý de basty nazarda bolýy qajet», – dedi Memleket basshysy.