Bir aptada elimizde 3 myńǵa jýyq qylmys jasaldy

ASTANA. QazAqparat – Іshki ister mınıstrliginiń onlaın-brıfınginde vedomstvo ókili Shuǵyla Turlybek bir apta ishinde Qazaqstanda 2 913 qylmys tirkelgenin aıtty, dep habarlaıdy QazAqparat tilshisi.

«Elimizde bir apta ishinde 2 913 qylmys jasaldy. Onyń 1 753-i ótken aptada ashyldy. Polıtsııa qyzmetkerleri izin sýytpaı 13 kisi óltirýdi, 6 ólimge ákelip soqqan densaýlyqqa qasaqana asa zııan keltirýdi, 45 tonaý jáne 365 bótenniń múlkin urlaý qylmystaryn ashty», - dep málim etti Shuǵyla Turlybek.

Eske sala keteıik, bir apta buryn, ıaǵnı 3-9 shilde aralyǵynda el aýmaǵynda 2 738 qylmys jasalǵan edi. Ol ýaqytta 10 kisi óltirý, 4 densaýlyqqa qasaqana aýyr zııan keltirý, 3 qaraqshylyq, 29 tonaý jáne 402 bóten múlikti urlaý qylmystary tirkeldi.