Bir aptada elimizde 3,2 myń qylmys tirkelgen
«Bir apta ishinde 3 267 qylmys jasaldy. Onyń 2 201-i táýlik ishinde ashyldy. Polıtsııa qyzmetkerleri izin sýytpaı 8 kisi óltirý qylmysyn, 4 arty ólimge ákep soqqan qasaqana aýyr zııan keltirýdi, 2 qaraqshylyq, 25 tonaý jáne 504 bótenniń múlkin urlaý qylmystaryn ashty», - dedi ol Іshki ister mınıstrliginiń onlaın brıfınginde.
Brıfıng barysynda ІІM-niń avtobýs jolaqtaryna qatysty zańǵa túzetýler jobasyn ázirlegeni de aıtyldy.
«Qazirgi ýaqytta múddeli memlekettik organdar qalalarda arnaıy bólingen avtobýs jolaqtaryn avtomobılderdiń qarbalas saǵattardan tys kezde jáne demalys kúnderi paıdalaný múmkindigin zerdeleı otyryp avtomobıl aǵyndaryn uıymdastyrý máselesin pysyqtap jatyr. Іshki ister mınıstrligi jol qaýipsizdigin qamtamasyz etetin ýákiletti organ retinde jol qozǵalysy erejelerine yqtımal túzetýlerdi aldyn ala daıyndady», -dedi mınıstrdiń keńesshisi Nurdildá Oraz.
Sondaı-aq, Іshki ister mınıstriniń keńesshisi Qazaqstanda júrgen sheteldikterge elde júrip-turýdy zańdastyrýdyń merzimi 5 maýsymda aıaqtalatynyn taǵy bir ret eskertti.
Kóshi-qon qyzmeti komıtetiniń bólim basshysy Ǵanı Shymyrbaevtyń aıtýynsha, Qazaqstanda 4,6 myńnan astam adam jeke basyn kýálandyratyn qujatsyz ómir súrip kelgen.