Bir aptada 13 adam kisi qolynan mert boldy

NUR-SULTAN. QazAqparat – Ótken aptada 3390 qylmys jasalǵan, dep habarlaıdy QazAqparat tilshisi.

Bultýraly QR Іshki ister mınıstrliginiń ókili Aqtoty Boranova vedomstvonyń onlaın bıfınginde málim etti.

«Bir apta ishinde 3390 qylmys jasaldy, onyń 2036 táýlik ishinde ashyldy. Polıtsııa qyzmetkerleri «izin sýytpaı» 7 kisi óltirý qylmysyn, ólimge ákep soqqan densaýlyqqa qasaqana aýyr zııan keltirýdiń 6 áreketin, 1 qaraqshylyq qylmysyn, 27 tonaý jáne 512 bóten múlikti urlaý qylmysyn ashty», - dedi mınıstrlik ókili.

Sondaı-aq ol zańsyz maınıngke qamqorlyq jasap, boryshtardy kúshpen qaıtarýmen aınalysqan qylmystyq toptyń músheleri ustalǵanyn baıandady.

Kúdiktiler 5 óńirdiń aýmaǵynda áreket etip, zańsyz maınıng fermalarynyń jumysynan ІT-mamandy erkinen tys tartqany belgili bolǵan.

«Qylmyskerler 36 jastaǵy ІT-tehnologııalar salasynyń mamanyn qylmystyq «esepshotqa» tirkep qoıǵan. Ony qorqytý arqyly maınıng fermalardyń jumysyn uıymdastyryp otyrǵan. Zańsyz qarý saqtalǵan oryndardy anyqtaý úshin operatıvti tásilder qoldaný kezinde qylmystyq toptyń 3 múshesi ustaldy. Tintý kezinde jedel ýákilder qylmys qarýlar men quralarynan bólek jalpy quny 7 mln dollar bolatyn zańsyz maınıgke qajet 6 000 qondyrǵy, Makarov tapanshasy jáne 3 jalǵan kólik nómiri tárkiledi», - dedi Aqtoty Boranova.