Bir aptada 10 kisi óltirý qylmysy izi sýymaı ashyldy - ІІM

ASTANA. QazAqparat – Bir aptada elimiz aýmaǵynda 2800-den astam qylmys jasaldy. Bul týraly Іshki ister mınıstrligi baspasóz qyzmetiniń ókili Shuǵyla Turlybek aıtty, dep habarlaıdy QazAqparat tilshisi.

«Aldymen, eldegi krımınogendik jaǵdaıǵa toqtalaıyq. Bir apta ishinde 2 886 qylmys jasaldy, onyń 1 688-i táýlik ishinde ashyldy. Polıtsııa qyzmetkerleri izin sýytpaı 10 kisi óltirýdi, 4 ólimge ákep soqqan densaýlyqqa qasaqana aýyr zııan keltirýdi, 35 tonaý jáne 405 bóten múlikti urlaý qylmystaryn ashty», - dedi Sh. Turlybek mınıstrliktiń baspasóz alańynda ótken brıfıngide.

Sonymen birge, Almatyda halyq kóp shoǵyrlanǵan aýdanda – Naýryzbaı aýdanyndaǵy «AlemCity-1» turǵyn úı kesheninde jańa ýchaskelik polıtsııa pýnkti ashyldy. Qurylys kompanııasy turǵyn úı kesheninen polıtsııa ýchaskesiniń tolyqqandy jumys isteýi úshin barlyq qajetti zattarmen jabdyqtalǵan 340 sharshy metr ǵımaratty bóldi.

«Qazirdiń ózinde munda turǵyn úı keshenderiniń aýlalary men kireberisterine, irgeles aýmaqtarǵa kameralar ornatyldy, bul táýlik boıy qaýipsizdik pen tártipti baqylaýǵa múmkindik beredi. Bul turǵyn úı kesheninde 6 myńnan astam adam turady. 2021 jyldan bastap polıtsııa pýnkterin turǵyn úıdiń ózinde ornalastyrý tájirıbesi engizildi. Búginde mundaı joba alǵash ret qurylys kompanııasy men PD arasynda óteýsiz negizde júzege asyryldy», - dedi Sh. Turlybek.