Bir apta janǵan Іle-Balqash rezervatyndaǵy órt sóndirildi

QONAEV. QazAqparat – Іle-Balqash rezervatynyń aýmaǵynda qamys órti 2 shilde kúni, saǵat 07.40-ta sóndirildi. Bul týraly Tótenshe jaǵdaılar mınıstrliginiń saıtynda rezervat basshylyǵynyń aqparatyna súıenip málim etildi, dep habarlaıdy QazAqparat.

«Eske salaıyq, qamys 6200 ga aýmaqta jandy. Onyń naqty aýdanyn ýákiletti memlekettik organdardyń komıssııasy anyqtaıtyn bolady.

Tótenshe jaǵdaılar departamentiniń 47 qyzmetkeri men 5 tehnıkasynyń, 2 júzý quraly men 1 ushqyshsyz ushy apparatynyń, sondaı-aq «Іle-Balqash» memlekettik tabıǵı rezervaty«RMM-niń 25 adamy men 10 k tehnıkasynyń kúshimen 5-inshi kvartalda órtpen kúres qol shants aspaptary men motopompalardy paıdalana otyryp jaıaý júrgizildi.

Jerdiń batpaqty bolýy jáne kirý joldarynyń bolmaýy jalynmen kúresti qıyndatty.

Baqanas orman sharýashylyǵy ýchaskelerine órttiń taralýyn boldyrmaý maqsatynda orman sharýashylyǵynyń qosymsha 8 adam men 4k tehnıkasynyń kúshimen mıneraldandyrylǵan jolaq jasaldy. Eldi mekenderge qaýip tóngen joq.
«Ǵarysh sapary«Ulttyq kompanııasy» AQ-nyń ǵaryshtan monıtorıngileý jáne ushqyshsyz ushý apparatynyń tańerteńgi sholýynyń nátıjesinde ýchaskelerde janý jáne byqsý anyqtalǵan joq», - delingen málimette.

Eske salaıyq, Іle-Balqash rezervatynda órt bir apta buryn bastalǵan bolatyn. Avtotehnıka janý oshaqtaryna jete almaı, tilsiz jaýmen kúres qıyndyq týǵyzdy.