Bir apta ishinde 2 720 qylmys jasaldy - ІІM

ASTANA. QazAqparat – Elimizdiń aýmaǵynda bir apta ishinde 2 720 qylmys jasaldy. Bul týraly Іshki ister mınıstrligi baspasóz qyzmetiniń ókili Shuǵyla Turlybek málim, etti, dep habarlaıdy QazAqparat tilshisi.

«Bir apta ishinde 2 720 qylmys jasaldy, onyń 1 642 táýlik ishinde ashyldy. Polıtsııa qyzmetkerleri «izin sýytpaı» 11 kisi óltirýdi, 3 ólimge ákep soqqan densaýlyqqa qasaqana aýyr zııan keltirýdi, 1 qaraqshylyq, 36 tonaý jáne 302 bóten múlikti urlaý qylmystaryn ashty», - dedi ol mınıstrliktiń baspasóz qyzmeti alańynda ótken aptalyq brıfıngte.

Shuǵyla Turlybektiń dereginshe, Táýelsizdik jyldarynda ǵana ishki ister organdarynyń 816 qyzmetkeri qyzmettik mindetterin atqarý kezinde qaza tapty. 4,5 myńnan astamy jaraqat aldy. 1 800-ge jýyǵy memlekettik nagradalarmen marapattaldy. Onyń 157-sine memlekettik nagrada qaıtys bolǵannan keıin berildi.