Binance-tyń bas dırektory qyzmetinen ketti

<p>Binance krıptovalıýta bırjasynyń bas dırektory Chanpen Chjao qyzmetinen ketti. Onyń ornyna aımaqtyq bazarlardyń burynǵy basshysy Rıchard Teng keldi.&nbsp;<a href="https://kaz.inform.kz/" target="_blank" rel="noopener">Kazinform</a>&nbsp;bul týraly&nbsp;<a href="https://tass.ru/ekonomika/19345707" target="_blank" rel="noopener">TASS agenttigine</a>&nbsp;silteme jasap habarlaıdy.</p>

«Búgin Binance-tyń bas dırektory qyzmetinen kettim... Men biraz qatelikter jiberdim jáne jaýapkershilikti óz moınyma alýym kerek. Bul qaýymdastyq úshin jáne ózim úshin eń durys qadam», – dedi Chjao X áleýmettik jelisindegi paraqshasynda.

Ol kompanııaǵa «qajet bolǵan jaǵdaıda» keńes berýge daıyn ekenin atap ótti.

21 qarashada The Wall Street Journal jýrnaly Chanpen Chjaonyń otstavkaǵa ketetinin habarlaǵan bolatyn.

Buǵan deıin AQSh-tyń baǵaly qaǵazdar jáne bırjalar jónindegi komıssııasy Binance pen Chjaonyń ózine qatysty sotqa shaǵym túsirgen bolatyn.

Krıptovalıýta basshylyǵyna birqatar aıyp taǵyldy, onyń ishinde baǵaly qaǵazdarmen operatsııalar kezinde tıisti tirkeýler jasamaı keldi, ınvestorlardy qadaǵalaý mehanızmderine qatysty jańylystyrdy degen aıyptaýlar bar.

Binance krıptovalıýta bırjasy tsıfrlyq aktıvterdiń saýda-sattyǵy boıynsha álemdegi jetekshi júıe. Ony 2017 jyly qytaılyq Chanpen Chjao qurdy. 2021 jyly Qytaı bıligi Binance veb-saıty men mobıldik qosymshasyn buǵattady, bul el úkimetiniń krıptovalıýtalyq tranzaktsııa qyzmetterin usynýmen kúresýdegi taǵy bir qadamy boldy.