Binance iri krıptobırjasy reseılik qoldanýshylarǵa shekteý qoımaq
20:05, 21 Sáýir 2022
MÁSKEÝ. QazAqparat – Binance iri krıptovalıýta bırjasy reseılikter men Reseıde turyp jatqan qoldanýshylarǵa óz servısine shekteý qoımaqshy. Olardyń aktıvi €10 myńnan asady, dep habarlaıdy QazAqparat TASS-qa silteme jasap.
«Krıptoaktıvteriniń jalpy quny €10 myńnan asatyn Reseı azamattarynyń nemese Reseıde turatyn adamdardyń barlyq qarjylyq shottary shekteýli bolady. Paıdalanýshylar eskertý kelgenge deıin qarajatty shyǵarý fýnktsııasyn ǵana paıdalana alady», - delingen habarlamada.
Shekteý engiziletin akkaýnt qoldanýshylaryna qarajat engizý jáne saýda múmkindikteri shekteýli bolady, dep naqtylady Binance-tan.