Byltyr TikTok qazaqstandyqtardyń 4,2 mıllıonnan astam vıdeosyn joıyp jiberdi

<p>ASTANA. KAZINFORM &ndash; 2023 jyly TikTok áleýmettik jelisiniń ákimshiligi qazaqstandyq qoldanýshylardyń 4,2 mıllıonnan astam vıdeosyn joıyp jibergen. Kompanııa basshylyǵy buǵan qoǵamdastyq erejeleriniń buzylýy sebep bolǵanyn alǵa tartyp otyr.</p>

Platformadan joıylǵan beınelerdiń shamamen 90 paıyzy 50 eldiń turǵyndaryna tıesili. Qazaqstan bul antıreıtıngke turaqty túrde enetinin atap ótken jón.

2023 jyldyń birinshi toqsanynda áleýmettik jeli ákimshiligi qazaqstandyq qoldanýshylardyń 766,7 myń vıdeosyn joıdy. Onyń 88,8 paıyzy jarııalanǵannan keıin 24 saǵat ótpeı alynyp tastalǵan.

Ekinshi toqsanda TikTok taǵy 950,2 myń beıneni joıdy (88,2%-y alǵashqy 24 saǵatta). Úshinshi toqsanda joıylǵan beıneler sany tómendegen joq. Úsh aıda 1,1 mıllıon (alǵashqy 24 saǵatta 90,5%) vıdeo alynǵan. Al tórtinshi toqsanda 1,4 mıllıonǵa jýyq vıdeo kózden ǵaıyp bolǵan (onyń 86,3%-y alǵashqy 24 saǵatta).

Kompanııanyń aıtýynsha, 40 000 qaýipsizdik mamany qaýymdastyq erejeleriniń saqtalýyn únemi qadaǵalap otyrady. Tek 2023 jyldyń tórtinshi toqsanynda TikTok ákimshiligi búkil álem boıynsha 176,5 mıllıonǵa jýyq paıdalanýshynyń beınelerin joıǵan. Segiz mıllıon tikeleı efırdi toqtatqan. Sonymen qatar, 181 mıllıon feık akkaýntty, 13 jasqa tolmaǵan paıdalanýshylardyń 19,8 mıllıon akkaýntyn jáne basqa sebeptermen 3,9 mıllıon akkaýntty buǵattaǵan.