Byltyr sheteldik týrıster Qazaqstanda 2,3 mlrd dollar qaldyrǵan

<p>ASTANA. KAZINFORM — Týrızm jáne sport mınıstrligi <a href="https://kaz.inform.kz/" target="_blank" rel="noopener">Kazinform</a> saýalyna joldaǵan jaýabynda eldegi týrıstik kompanııalardyń bir jylda qansha salyq tólegenin málim etti.</p>

«Memlekettik kirister komıtetiniń derekteri boıynsha resmı tirkelgen týragenttikter men týroperatorlardan bıýdjetke túsetin salyqtyq túsimder ótken jyldyń qorytyndysy boıynsha 14,3 mlrd teńge boldy», — deıdi mınıstrlikten.

Vedomstvo málimetinde byltyr elge 9,2 mln qonaq kelgeni aıtylady. Alaıda sonyń tek 1,1 mıllıony qonaq úı qyzmetin paıdalanǵan.

«Ulttyq statıstıka bıýrosynyń derekterine sáıkes, ótken jyldyń qorytyndysy boıynsha Qazaqstanǵa 9,2 mıllıonnan astam sheteldik qonaq keldi. Onyń ishinde 1,1 mıllıonǵa jýyǵy otandyq ornalastyrý oryndarynda (qonaq úılerde) qyzmet alǵan. Bul rette Ulttyq banktiń derekterine sáıkes, „Saparlar“ baby boıynsha qyzmetter eksporty 2,3 mlrd AQSh dollar boldy. Bul kórsetkish Qazaqstanda sheteldik kelýshiler satyp alǵan taýarlar men qyzmetterdi qamtıdy», — delingen vedomstvo jaýabynda.