Byltyr Pavlodarda 527 saıajaı ýchaskesi janyp ketken

<p>PAVLODAR. KAZINFORM - Óńir aýmaǵynda 30-ǵa jýyq baý-baqsha kooperatıvi bar. Byltyr tilsiz jaý 527 saıajaı ýchaskesin typ-tıpyl etken.</p>

Bul týraly Pavlodar oblysy tótenshe jaǵdaılar departamenti memlekettik órt baqylaý basqarmasynyń bastyǵy Orazbek Ýálıhanov málim etti. 

– Jyl basynan beri oblystaǵy saıajaı aýmaqtarynda úsh órt oqıǵasy tirkeldi. 2023 jyly halyqtyń órt qaýipsizdigi talaptaryn saqtamaýy saldarynan oblystyń baý-baqshalarynda jalpy aýdany 100 gektardan asatyn 80 órt bolǵan. Al ótken jyly 527 saıajaı ýchaskesi janyp ketti,– deıdi basqarma bastyǵy. 

Baý-baqsha ıeleriniń qurǵaq shópti jaǵý faktileri azaımaı tur. Osyǵan baılanysty ereje talaptaryn buzǵany úshin 37 adam ákimshilik jaýapkershilikke tartylǵan. 35 azamatqa eskertý jasalsa, taǵy eki adamǵa jalpy somasy 73 840 teńgege aıyppul salynǵan.