Byltyr Ózbekstannyń jalpy ishki ónim kólemi 115 mlrd dollarǵa jetti – Mırzıeev

<p>TAShKENT. KAZINFORM &ndash; Bul týraly ınvestıtsııa jáne eksport máseleleri qaralǵan keńeste Ózbekstan prezıdenti Shavkat Mırzıeev málim etti, dep habarlaıdy Kazinform agenttiginiń menshikti tilshisi.</p>

2024 jyly eldiń jalpy ishki ónimi (JІÓ) 6,5%-ǵa ósip, 115 mlrd dollarǵa teńeldi. Bul rette sheteldik ınvestıtsııalar kólemi 1,6 ese artyp, 35 mlrd dollardy shamalady.

Sonymen qatar jalpy quny 10 mlrd dollar bolatyn 242 iri joba júzege asty. Eksport kólemi alǵash ret 27 mlrd dollarǵa jetti.

Keńeste Shavkat Mırzıeev ınvestıtsııa tartý men eksportty arttyrý boıynsha birqatar tapsyrma júktedi. Máselen, bıyl halyqaralyq qarjy ınstıtýttarynyń esebinen 5,2 mlrd dollardyń jobasyn iske asyrý josparlanyp otyr.

Tapsyrmalardyń ýaqytyly ári sapaly oryndalýyn baqylaý maqsatynda tótenshe shtab qurylady. Oǵan Ózbekstannyń premer-mınıstri Abdýlla Arıpov tóraǵalyq etedi.

– Eýropalyq qaıta qurý jáne damý bankimen - 1,1 mlrd dollar, Islam damý bankimen 1 mlrd dollardyń jobalaryn iske asyrý kelisildi. Jaýapty tulǵalarǵa atalǵan banktermen yntymaqtastyqty nyǵaıtý tapsyryldy, - delingen Ózbekstan prezıdentiniń baspasóz qyzmeti taratqan habarlamada.

Buǵan deıin habarlaǵanymyzdaı, Ózbekstannyń Dúnıejúzilik saýda uıymyna qosylý protsesi aıaqtalýǵa jaqyn.

Eske salaıyq, bıyl Ózbekstan $43 mlrd ınvestıtsııany ıgerýdi josparlap otyr.

Sonymen qatar, Ózbekstan bıligi eldegi kedeılik deńgeıin 6% deıin tómendetýge nıetti.

Munymen birge Ózbekstan bıligi qosylǵan qun salyǵynyń mólsherin 2028 jylǵa deıin kótermeıdi.