Byltyr Ózbekstanǵa sybaılas jemqorlyqtan 120 mln dollardan astam shyǵyn keldi

<p>TAShKENT. KAZINFORM &ndash; 2023 jyldyń qorytyndysy boıynsha Ózbekstanda sybaılas jemqorlyqpen baılanysty qylmystardyń sany 15%-ǵa ósip, odan kelgen zalal 1,5 trln sýmnan ($124 mln) asty, dep habarlaıdy <a href="https://kaz.inform.kz/" target="_blank" rel="noopener">Kazinform</a> agenttiginiń Tashkenttegi menshikti tilshisi.</p>

Ózbekstan Bas prokýratýrasynyń málimetinshe, byltyr sybaılas jemqorlyq boıynsha 3 412 qylmystyq is qozǵalǵan. Bul bir jyl burynǵymen salystyrǵanda 15,1%-ǵa kóp. 2023 jyly qylmystyq jaýapqa tartylǵan laýazymdy tulǵalar sany 14,7%-ǵa ulǵaıyp, 3 575 adamǵa jetken.

Sottalǵandardyń ishinde mınıstrlik, vedomstvo men uıymdardyń respýblıkalyq deńgeıdegi 49 mamany, oblystyq dárejedegi 267 sheneýlik pen aýdandyq, qalalyq bólimshelerdiń 3 259 qyzmetkeri bar.

Eń kóp taralǵan qylmys túri - múlikti jymqyrý. Osyndaı áreketter úshin 2 205 ózbekstandyq sottalǵan. Al laýazymdyq ókilettikterin teris paıdalanǵany úshin 397 adam temir torǵa qamaldy. Alaıaqtyq boıynsha – 272, paraqorlyq úshin 195 azamatqa jaza kesildi. Laýazymdyq ókilettikterin asyra paıdalanǵan - 30, qyzmetine nemquraıly qaraǵan 25 adam men basqa qylmystar úshin 415 adam sottalǵan.

Osy qylmystardyń saldarynan memleket pen qoǵamdyq múddege 1,546 trln sým (2022 jyly - 1,12 trln sým) kóleminde zalal keldi. Aldyn ala tergeý barysynda memleket paıdasyna 1,31 trln sým óndirildi. Bul - zalaldyń 84,7 paıyzy.