Byltyr Ózbekstan Qazaqstanǵa 121,2 mln dollardyń jemis-jıdegi men kókónisin eksporttaǵan

<p>TAShKENT. KAZINFORM &ndash; Ótken jyly Ózbekstan shet memleketterge 1,1 mlrd dollardyń jemis-jıdegi men kókónisterin esporttady. Bul týraly <a href="https://kaz.inform.kz/" target="_blank" rel="noopener">Kazinform </a>agenttiginiń Ózbekstandaǵy menshikti tilshisi Álıhan Asqar habarlaıdy.</p>

Ózbekstan statıstıka agenttiginiń málimetine saı, byltyr bul el shetelderge 1,7 mln tonna jemis pen kókónis jetkizgen. Osylaısha, 2022 jyldyń uqsas kezeńimen salystyrǵanda eksport kólemi 1,1 paıyzǵa ósti.

Eksporttyń eń úlken úlesi Reseı ($437,4 mln), Pákistan ($197,6 mln), Qytaı ($144,9 mln) jáne Qazaqstanǵa ($121,2 mln) tıesili.

Aıta keteıik, 2022 jyly elimiz Ózbekstannan 216 mln dollardyń jemisi men kókónisin ımporttaǵan edi.

Eske salaıyq, byltyr 11 aıda Ózbekstannyń Qazaqstanmen syrtqy saýda aınalymy 4 mlrd dollardan asqan edi.