Byltyr Ózbekstan álem elderinen $200 mln jýyq gýmanıtarlyq kómek aldy

<p>TAShKENT. KAZINFORM &ndash; Ótken jyly 30 el Ózbekstanǵa 197,84 mln dollarǵa baǵalanǵan gýmanıtarlyq kómek jibergen. Bul 2022 jylmen salystyrǵanda 2,2%-ǵa kóp, dep habarlaıdy&nbsp;<a href="https://kaz.inform.kz/" target="_blank" rel="noopener">Kazinform</a> agenttiginiń Tashkenttegi menshikti tilshisi Álıhan Asqar.</p>

Ózbekstan ekonomıka jáne qarjy mınıstrliginiń málimetinshe, gýmanıtarlyq kómektiń 83,6%-y myna 5 eldiń úlesinde:

Germanııa - $71,38 mln (jalpy kólemniń 36%);

Qytaı - $27,47 mln (13,9%);

AQSh - $23,23 mln (11,8%);

Belgııa - $22,62 mln (11,4%);

Shveıtsarııa - $20,76 mln (10,5%).

Onyń ishinde densaýlyq saqtaý salasyna - $169,23 mln, áleýmettik baǵytqa - $1,24 mln dollar, ekologııa jáne qorshaǵan ortany qorǵaýǵa - $943,2 myń, bilim salasyna $247,2 myń baǵyttalǵan.

Eske salaıyq, 2022 jyly Ózbekstan 27 elden kelgen 193,6 mln dollardyń gýmanıtarlyq kómegin qabyldaǵan edi.