Byltyr osy kezde ortasha aılyq 299 myń bolsa, bir jylda 350 myń teńgege jetti

<p>Elimizde ortasha aılyq jalaqy 350 myń teńgeden asty, dep habarlaıdy <a href="https://kaz.inform.kz/" target="_blank" rel="noopener">Kazinform</a>.</p>

Finprom.kz portalynyń málimetinshe, 2023 jyldyń ІІІ toqsanynda elimizde jumysshylardyń ortasha aılyq jalaqysy 350,5 myń teńgeni qurady.

Bul bir jyl burynǵy kórsetkishten naqty mánde 16,9 paıyzǵa kóp. Salystyrmaly túrde aıtsaq, ótken jyly osy kezeńde ortasha aılyq jalaqy 299,8 myń teńgeni quraǵan edi.

Óńirler arasynda eń joǵary jalaqy Atyraý oblysyny turǵyndarynda tirkeldi – 602,4 myń teńge. Olardyń jalaqysy naqty mánde 14,3 paıyzǵa, al ótken jyldyń dál osyndaı kezeńimen salystyrǵanda 2,8 paıyzǵa artqan.

Eń tómengi jalaqy Túrkistan oblysynda tirkeldi – 248,9 myń teńge, jyl ishinde ósim - 1,8 paıyz.

Sonymen qatar Jambyl men Soltústik Qazaqstan oblystary turǵyndarynyń da jalaqysy tómen.

Salalar bólinisinde alyp qaraıtyn bolsaq, ádettegideı taý-ken ónerkásibi jáne karerlerdi óndirý qyzmetkerleriniń ortasha aılyq jalaqysy barynsha joǵary – 756,7 myń teńge.

Úzdik úshtikke qarjy jáne saqtandyrý qyzmeti (668,9 myń teńge) men aqparat jáne baılanys salasy qyzmetkerleri de (525,8 myń teńge) kiredi.

Al elimiz boıynsha eń tómengi jalaqy óner, kóńil kóterý jáne demalys, aýyl, orman jáne balyq sharýashylyǵy, sýmen jabdyqtaý jáne sý burý salalarynda tirkelip otyr.