Byltyr qylmys jasaý 12,5 myńǵa azaıdy – ІІM

<p>ASTANA. KAZINFORM &ndash; Іshki ister mınıstrliginde keńeıtilgen alqa otyrysy ótti. Jıynda ótken jylǵy jumys nátıjesi talqylanyp, aldaǵy mindetter aıqyndaldy.</p>

- Ótken jyly qabyldanǵan keshendi sharalardyń arqasynda elimizde qylmys sany 12,5 myńǵa, al jalpy qylmystyq quqyq buzýshylyqtar sany 8 myńǵa azaıǵan. Asa qaýipti qylmystardyń, onyń ishinde kisi óltirý, densaýlyqqa aýyr zııan keltirý, urlyq, mal urlyǵy, alaıaqtyq, qaraqshylyq jáne tonaý qylmystary tómendegen, - delingen Іshki ister mınıstrliginiń habarlamasynda.

Sondaı-aq el aýmaǵynda qylmysty azaıtýǵa azamattardyń qaýipsizdigin qamtamasyz etýge baǵyttalǵan zańnamalyq bastamalar, zamanaýı tsıfrlyq sheshimder, jastar arasynda quqyqtyq sanany qalyptastyrýǵa baǵyttalǵan aýqymdy jumystar men ishki ister organdaryndaǵy kadrlyq áleýetti arttyrý mańyzdy ról atqarǵan.

- Sonymen qatar jasóspirimderdiń qoǵamdyq oryndarda jáne qarý qoldaný qylmystary azaıdy. Zamanaýı tergeý ádisterin engizýdiń arqasynda qylmysty ashý kórsetkishi ósti,- deıdi vedomstvodan.

Birer kún buryn ІІM keıingi eki jylda uıymdasqan qylmystyq toptardyń 27 múshesiniń ustalǵanyn habarlaǵan edi.