Byltyr Qazaqstanda 390 myń sábı dúnıege keldi
Densaýlyq saqtaý mınıstrliginiń málimetinshe, ótken jyly 400 myńǵa jýyq áıel júktiligi boıynsha medıtsına qyzmetkerleriniń baqylaýynda boldy. Bul jaǵdaıda dárigerler aýyr akýsherlik jáne somatıkalyq asqynýlarǵa baılanysty óte aýyr jaǵdaıdaǵy 1000-nan astam júkti áıeldi qutqaryp qaldy.
«Medıtsınalyq avıatsııa jelisi boıynsha 200 ushý oryndaldy, 21 áıelge jergilikti jerde operatsııa jasaldy, 190 áıel aýyr jaǵdaıda oblystyq, respýblıkalyq klınıkalarǵa tasymaldandy jáne qutqaryldy.
Táýelsiz Qazaqstannyń búkil tarıhynda alǵash ret ana ólimi kórsetkishiniń 32%-ǵa tómendeýine qol jetkizdik», — dep jazdy vedomstvodan.
Ótken jyly bosandyrý boıynsha dıagnostıka men emdeýdiń 18 basym klınıkalyq hattamasy bekitildi; bosandyrý qyzmetiniń 2000-nan astam dárigeri jáne 3000 OMQ, 64 dáriger Ystambulda, 50 dáriger Sankt-Peterbýrgte oqytyldy.
«Memleket basshysynyń tapsyrmasyn oryndaý jáne „Ańsaǵan sábı“ baǵdarlamasyn iske asyrý sheńberinde 2021 jyldan bastap 21 000 áıelge EKU ótkizildi, nátıjesinde 8 000-nan astam áıel júkti bolyp, 6 000-nan astam kópten kútken bala týdy», — delingen derekte.