Byltyr Qazaqstan 31,2 mln tonna kómir eksporttady

<p>ASTANA. KAZINFORM &ndash; Aldaǵy jylytý maýsymyna daıyndyq jospary ázirlendi. Tolyǵyraq Ónerkásip jáne qurylys mınıstri Qanat Sharlapaev aıtyp berdi.</p>

«2023 jyldyń qorytyndysy boıynsha elimizde 112,7 mln tonna kómir óndirildi (2022 jyly 113,7 mln tonna), onyń ishinde kommýnaldyq-turmystyq qajettilikke 9 mln tonna, energııa jáne jylý óndirýshi kásiporyndarǵa 65,9 mln tonna, ónerkásiptik kásiporyndarǵa 5,9 mln tonna jóneltildi. Byltyr kómir eksporty 31,2 mln tonnany qurady», - dedi Qanat Sharlapaev Úkimet otyrysynda. 

Odan bólek, el óńirlerine 9,2 mln tonna qatty otyn jetkizilgen. 

«Kómirmen qamtamasyz etý jónindegi respýblıkalyq shtab jedel shara qabyldady. Kómirdi avtokólikpen áketýge tyıym salý týraly buıryqtyń merzimi uzartyldy. Sonymen qatar áleýmettik kómirdiń syrtqa keti toqtatyldy. Mınıstrlik deldaldardy alyp tastaý jáne tutynýshylarǵa túpkilikti qunyn turaqtandyrý úshin kómirdi óńirler boıynsha birkelki bólý jáne óńirlik kómir operatorlary arasynda tikeleı qol jetkizý boıynsha jumysty jalǵastyrýda», - deıdi ol. 

Onyń aıtýynsha, mınıstrlik aldaǵy jylytý maýsymyna daıyndalý maqsatynda bıýdjettik uıymdar men halyqty kómirmen qamtamasyz etý jónindegi jergilikti atqarýshy organdar, kómir óndirýshi kásiporyndar men Qazaqstan temir joly kompanııasymen birlesip, arnaıy is-sharalar josparyn ázirledi.