Byltyr qaı mınıstrlik qyzmetkerleri jemqorlyqpen kóp ustaldy

<p>ASTANA. KAZINFORM &ndash;&nbsp; Qazaqstan Sybaılas jemqorlyqqa qarsy is-qımyl agenttiginiń resmı ókili Arman Tileýkenov ótken jyldyń qorytyndysy boıynsha sybaılas jemqorlyq faktisimen qaı mınıstrlik qyzmetkerleri jıi ustalǵanyn aıtty.</p>

«2023 jyly mınıstrlikter arasynda sybaılas jemqorlyq faktileri boıynsha quryqqa jıi ilikken, Іshki ister mınıstrliginen 193 tulǵa, Tótenshe jaǵdaılar mınıstrliginen 31 tulǵa, Qarjy mınıstrliginen 25 tulǵa, Qorǵanys mınıstrliginen 17 tulǵa», - dedi Arman Tileýkenov agenttikte ótken baspasóz máslıhatynda.

Onyń aıtýynsha, Antıkor san qýyp, statıstıkaǵa jumys istemeıdi. Sondaı-aq, agenttiktiń resmı ókili Qylmystyq-protsestik kodeksiniń 201-babyna sáıkes ózge aqparattyń jarııa etilmeıtindigin eske saldy.

«Konstıtýtsııanyń 77-baby 3-tarmaǵynyń 1-tarmaqshasyna jáne Qylmystyq-protsestik kodeksiniń 19-baby 1-bóligine sáıkes, qylmystyq quqyq buzýshylyq jasaýdaǵy kinási sottyń zańdy kúshine engen úkimimen belgilengenge deıin árbir adam kinásiz dep esepteledi», - dep tolyqtyrdy A.Tileýkenov.