Byltyr elimizdiń statsıonarlarynda 3,4 mln-nan astam patsıent emdeldi

<p>ASTANA. KAZINFORM &mdash; Qazaqstanda 2024 jyldyń qorytyndysy boıynsha 3,4 mln.astam turǵyn statsıonarlyq em aldy, bul ótken jylmen salystyrǵanda 87 myń jaǵdaıǵa kóp, dep habarlady Densaýlyq saqtaý mınıstrliginiń baspasóz qyzmeti.</p>

Memleket kepildik bergen kólemniń sheńberinde emdelgen naýqastardyń jalpy sanynan 1 mln.patsıent medıtsınalyq kómek aldy, MÁMS júıesinde 2,4 mln. jaǵdaı emdelip, 2023 jylmen salystyrǵanda 76 myń jaǵdaıǵa ósti.

Statsıonarlyq deńgeıde 928 myń operatsııa júrgizildi, bul ótken jylǵy kórsetkishten 3,8%-ǵa nemese 35 myń jaǵdaıǵa asyp tústi.

Jyl basynan beri qazaqstandyqtar mindetti áleýmettik medıtsınalyq saqtandyrý (MÁMS) júıesiniń esebinen kórsetilgen kompıýterlik tomografııa (KT) jáne magnıttik-rezonanstyq tomografııa (MRT) sııaqty 1 mln.astam qymbat zertteýlerden ótti.

Osy qyzmetter usynylǵan 500 myń patsıenttiń 45 myńy onkologııalyq aýrýlarǵa kúdik týyndaǵan jaǵdaıda zertteýden ótti.

MRT jáne KT – bul ártúrli aýrýlar men patologııalardy erte satysynda anyqtaýǵa, sondaı-aq aǵzalar men tinderdiń jaǵdaıyn baǵalaýǵa kómektesetin mańyzdy dıagnostıkalyq ádister.

Buǵan deıin Densaýlyq saqtaý salasynda artyq ákimshilik retteý azaıatynyn jazǵanbyz.