Byltyr el kásipkerleriniń 1 paıyzyna ǵana salyqtyq tekserý júrgizilgen

<p>Qarjy mınıstrligine qarasty Memlekettik kirister komıteti tóraǵasynyń orynbasary Qaırat Mııatov kásipkerlerge nege salyqtyq tekserý az júrgizilgenin túsindirdi, dep habarlaıdy <a href="https://kaz.inform.kz/" target="_blank" rel="noopener">QazAqparat </a>tilshisi.</p>

«Salyqtyq tekserýler jıi uıymdastyrylmaıdy. Byltyr kásipkerlerdiń tek 1 paıyzyna tekseris júrgizildi. Biz onlaın-taldaý nátıjesi boıynsha olarǵa habarlama jiberemiz jáne olqylyqtardy óz betinshe túzetýge múmkindik beremiz. Eger muny oryndamaǵan jaǵdaıda salyqtyq tekserý barady. Olar qosymsha esepteý júrgizedi. Onyń nátıjesinde soma Qylmystyq kodekste belgilengen mólsherden asyp ketse, onda qylmystyq is qozǵalady. Kásipkerler bul týraly biledi jáne ol satyǵa jetpeı, salyq tóleýge tyrysady», - dedi Qaırat Mııatov QazAqparat tilshisiniń saýalyna jaýap bere otyryp.

Aıta keteıik, buǵan deıin bıýdjetke eń kóp kiris ákeletin 5 salyq túri týraly jazyp edik.

Qosa ketsek, 2025 jyldan bastap banktiń operatsııalardan tapqan paıdasyna salyq salynady.