Byltyr Almatyda órtke qatysty 129 adam ákimshilik jaýapkershilikke tartyldy

<p>ALMATY. KAZINFORM &ndash; Byltyr Almatyda órt qaýpi joǵary kezeńde 300 órt tirkeldi. Bul týraly óńirlik kommýnıkatsııalar qyzmetinde Almaty qalasy TJD memlekettik órt baqylaý basqarmasynyń basshysy Konstantın Kanın málim etti.&nbsp;</p>

«Ótken jyly qala aýmaǵynda jalpy aýdany 13 gektar jerde qurǵaq ósimdikterdiń janýynyń 300 jaǵdaıy tirkeldi. Negizgi sebepter turǵyndardyń otpen abaısyz jumys isteýi jáne turmystyq qoqystardyń áserinen qurǵaq shóptesinderdiń ózdiginen janýy boldy», - dedi spıker.

Aıtýynsha, polıtsııa departamenti jáne orman sharýashylyǵy mekemelerinen qurylǵan mobıldi top 161 reıd júrgizgen.

«Sonyń aıasynda 11 myńnan astam azamatqa nusqaý berildi, 228 ot jaǵý áreketiniń joly kesildi, 129 adam jalpy somasy 7 mln teńgege ákimshilik jaýapkershilikke tartyldy», - dedi Konstantın Kanın.

Spıker taýly-ormandy jerlerdi patrýldeý jáne baqylaý úshin eki ushqyshsyz ushý apparaty paıdalanylatynyn jetkizdi.

«Departament orman órtterin erte anyqtaý maqsatynda Almaty qalasy ákimdiginiń qoldaýymen «Medeý» tabıǵı parki optıkalyq-sensorlyq qondyrǵylar men úsh jylý beıneleý kamerasy arqyly órt jáne tútindený oshaqtaryn erte anyqtaý boıynsha ortalyqtandyrylǵan beınemonıtorıng júıesin ornatý boıynsha jumystar júrgizdi. 2024 jyly Іle Alataý ulttyq parkinde ortalyqtandyrylǵan beınemonıtorıng jáne erte anyqtaý júıesin ornatý josparda», - dedi ol. 

Eske salsaq, Almaty oblysynda plastıkalyq tereze shyǵaratyn tseh órtengenin habarlaǵan bolatynbyz.