Byltyr 9 aıda 5,4 mln otandyq týrıst el ishinde saıahattady

<p>ASTANA. KAZINFORM &ndash; Ótken jyldyń 9 aıynyń qorytyndysy boıynsha otandyq týrıster sany artqan. Bul týraly Týrızm jáne sport mınıstri Erjan Marjyqpaev málim etti.</p>

«Ótken jyldyń 9 aıynyń qorytyndysy boıynsha 5,4 mln otandyq azamat el ishinde saıahat jasady. Bul 2022 jyldyń sáıkes kezeńimen salystyrǵanda 550 myń adamǵa kóp. Bıyl jyl qorytyndysy boıynsha ishki týrıster sany 9 mln adamǵa jetedi dep boljanyp otyr», - dedi Ermek Marjyqpaev vedomstvonyń keńeıtilgen alqa otyrysynda.

Mınıstrdiń aıtýynsha, sheteldik týrıster sanynyń aıtarlyqtaı ósýi baıqalady.

«2023 jyldyń alǵashqy 9 aıynda bul kórsetkish 2022 jyldyń sáıkes kezeńimen salystyrǵanda 1,5 ese ósip, 830 myńnan asa adamǵa jetti. Atalǵan kezeńde qonaq úıler, demalys bazalary, jataqhanalar jáne basqa da ornalastyrý oryndary 175 mlrd teńgeden astam tabys tapty. Bul aldyńǵy jylǵy tabys kórsetkishimen salystyrǵanda 36%-ǵa ulǵaıǵan», - deıdi ol.