Byltyr 161 bastyq jemqorlyqpen áshkere bolǵan: Antıkor basshysy Prezıdentke esep berdi
Ashat Jumaǵalı sybaılas jemqorlyqqa qarsy qyzmettiń byltyr atqarǵan jumysynyń nátıjesi jóninde esep berdi.
Onyń aıtýynsha, ótken jyly jemqorlyqqa qatysty 1692 qylmys tirkelip, 1324 adam áshkerelengen. Onyń 161-i túrli deńgeıdegi basshylar. 1221 is sotqa jiberilgen.
2022 jyldan beri memleketke jáne kvazımemlekettik sektor sýbektilerine 1,02 trln teńge (2,2 mlrd AQSh dollarynan astam) kóleminde múliktik aktıvter men qarajat qaıtarylǵan, birqatar qylmystyq isti tergeý barysy týraly málimet berdi.
«ÓKM» operatory» JShS-ne qatysty aıaqtalǵan qylmystyq ister boıynsha Qostanaı jáne Qaraǵandy oblystaryndaǵy jalpy quny shamamen 20 mlrd teńge bolatyn 2 zaýyt memleket menshigine ótken.
Q.Satybaldyulyna qatysty sotqa deıingi tergeý amaldary aıasynda bıyl aqpan aıynda bıýdjetke taǵy da shamamen 82,6 mlrd teńge (185 mln AQSh dollary) túsken.
Budan bólek, Aqmola oblysynyń Qosshy qalasyndaǵy 942 gektar jer ýchaskesi memleketke qaıtarylǵan.
Onyń naryqtyq quny 13 mıllıard teńgeden asady.
Memlekettik satyp alý portalyna monıtorıng júrgizý barysynda 41,3 mıllıard teńge kólemindegi bıýdjet qarajatynyń maqsatsyz jumsalýyna jol berilmegen.
Mamandandyrylǵan HQO-da avtokólik tirkeý kezindegi qýlyq jasaý joldaryn anyqtaǵan.
Memlekettik baj salyǵy men avtomobılderdi tirkeýden túsken tólemderdiń basym bóligi aqparattyq júıelerdiń jumysyndaǵy olqylyqtarǵa baılanysty bıýdjetke túspegen;
Agenttiktiń usynystary boıynsha kemshilikter joıylǵannan keıin 2023 jyly bıýdjetke túsken túsimder (2022 jylmen salystyrǵanda) 9 ese ulǵaıyp, 91,4 mıllıard teńgeni quraǵan.
Osy rette eki jylda da tirkelgen avtokólikterdiń sany birdeı bolǵan.
Sportty qarjylandyrý salasyndaǵy sybaılas jemqorlyq táýekelderine syrtqy taldaý júrgizilip jatqanyn, tekserý barysynda bıýdjet qarajatynyń tıimsiz bólinýine, sonyń ishinde sybaılas jemqorlyq syn-qaterlerine baılanysty áreketter anyqtalǵan.
Tek osy jyldyń ózinde agenttik atalǵan saladaǵy jymqyrý faktileri boıynsha 18 qylmystyq isti tirkegen.
«SK „Farmatsııa“ JShS qyzmetin taldaý jumystary aıaqtalǵan.
Munda da medıtsınalyq preparattar men jabdyqtardy satyp alýǵa qatysty aıtarlyqtaı jemqorlyq táýekelderi anyqtalǵan. Áleýmettik mańyzy bar problemaly obektilerdiń qurylys barysyn qadaǵalaý nátıjesinde búkil el boıynsha 32 ǵımarat pen nysan salynǵan.
«Sybaılas jemqorlyqqa qarsy volonterlik» jobasy aıasynda somasy 2 mıllıard teńgeden asatyn taýarlar men qyzmetterdiń baǵasyn kóterý táýekelderine jol berilmegen.
10 myńǵa jýyq azamatqa tegin quqyqtyq kómek kórsetilgen.
Ulttyq banktiń «Tsıfrlyq teńge» jobasy arqyly «aqshany boıaý» tetigin engizý máselesi pysyqtalǵan. Qazirgi ýaqytta Tsıfrlyq teńge pılottyq rejımde Almaty qalasyndaǵy mektepterdiń birinde iske asyrylyp jatyr.
Qabyldanǵan keshendi sharalardyń nátıjesinde Qazaqstan 2023 jyldyń qorytyndysy boıynsha Transparency International (Sybaılas jemqorlyqty qabyldaý ındeksi) reıtınginde 8 pozıtsııaǵa kóterilip, 180 eldiń arasynda 93-orynǵa turaqtaǵan.
Qasym-Jomart Toqaev sybaılas jemqorlyqqa qarsy is-qımyldy jáne aldyn alý sharalaryn kúsheıtýge baǵyttalǵan júıeli jumystardy jalǵastyrý jóninde birqatar naqty tapsyrma berdi.