Byltyr 1361 qazaqstandyq habar-osharsyz ketken

<p>ASTANA. KAZINFORM - Júrgizilgen jedel-izdestirý sharalary barysynda ІІM habar-osharsyz ketken 1361 adamnyń mekenjaıyn anyqtady.</p>

2024 jyly Іshki ister mınıstrligi Qazaqstannyń quqyq qorǵaý organdarymen izdestirilip júrgen 1949 kúdiktini ustady, dep habarlaıdy Polisia.kz.

Olardyń ishinde:

adam óltirý boıynsha — 43;

qaraqshylyq shabýyl boıynsha — 22;

densaýlyqqa aýyr zııan keltirý boıynsha — 37;

zorlaý boıynsha — 6;

tonaý boıynsha — 68;

bopsalaý boıynsha — 21;

urlyq boıynsha — 484;

esirtki qylmysy boıynsha — 91.

TMD elderi men alys shet memleketter úshin 844 qylmysker ustaldy. Odan bólek, habar-osharsyz ketken 1361 adamnyń mekenjaıy anyqtaldy.

— Bul baǵyttaǵy jumys jalǵasýda, — dep atap ótti vedomstvo.

Qańtar aıynyń basynda Shymkentte júrgizilgen jedel-izdestirý sharalary barysynda memleketaralyq izdeýde júrgen 52 jastaǵy er adam ustaldy. Ol ótken jyldyń qarasha aıynda qaryzyn qaıtarmaǵany úshin 54 jastaǵy qala turǵynyn atqan.

Al Semeıde polıtsııa 35 jastaǵy er adamdy quryqtady. Ol 2023 jyly toppen birge Almatyda qoǵamdyq kólikterde qalta urlyǵymen aınalysqan. Jedel qyzmetkerler barlyq kúdiktini ustady. Olar 42 urlyq epızodyna qatysy bar dep aıyptalyp jatyr.

Aıta keteıik, osyǵan deıin ІІM keıingi eki jylda uıymdasqan qylmystyq toptardyń 27 múshesi ustalǵanyn málim etti.