Bıllı Djın Kıng kýbogynda Ońtústik Koreıaǵa qarsy oınaıtyn tennısshilerimiz anyqtaldy

<p><strong>ASTANA. KAZINFORM &ndash; Tennısten áıelder arasyndaǵy Qazaqstan&nbsp; komandasynyń kapıtany ıÝrıı Şýkın Bıllı Djın Kıng kýbogynyń Ońtústik Koreıaǵa qarsy birinshi matchyna qatysatyn komanda quramyn jarııa etti.&nbsp;</strong></p>

Kezdesý elordalyq Beeline Arena tennıs ortalyǵynda 16-17 qarasha kúnderi ótedi. 

«Qazirgi tańda bizdiń sportshylar Koreıaǵa qarsy oınaýǵa daıyndalyp jatyr. Ulttyq quramadaǵy sportshylar qatarynda Elena Rybakına, Zarına Dııas, ıÝlııa Pýtıntseva, Anna Danılına, Jibek Qulambaeva bar.

Bizdiń quramanyń kóshbasshysy osy oıyn maýsymynyń sońyna deıin WTA qorytyndy týrnırinde oınaýdy josparlap otyr. Oǵan ol jyl basynda kórsetken úzdik nátıjeleri esebinen shaqyrylyp otyr. Qazirgi tańda Elena ózin jaqsy sezinedi jáne eger Er-Rııadta jaqsy nátıje kórsete alsa, Koreıa komandasyna qarsy oıynda baq synaýǵa tolyqtaı daıyn.

Zarına Dııastyń daıyndyǵy jaqsy jáne ol ótken aptada Túrkııadaǵy týrnırde jeńimpaz atandy. Bul oǵan ıÝlııa Pýtıntsevamen qatar úmit artýǵa bolatynyn kórsetedi jáne onyń qaıta oralǵanyna qýanyshtymyz.

Juptyq synda Anna Danılına Qytaıdaǵy týrnırdi jeńip, qazir Astanada juptyq kombınatsııada óner kórsetýge saqadaı saı. Jibek Qulambaeva osy aıda ózi úshin juptyq reıtıngte eń joǵary orynnan kórindi jáne qurama atynan saıysqa túsýde tájirıbesi bar», - dedi Şýkın.

Eske sala keteıik, buǵan deıin Aleksandr Nedovesovtiń Bazel týrnırinde kambek jasap, shırek fınalǵa ótkenin habarlaǵan edik.