Bilimge arqa súıegen qoǵamda destrýktıvti kózqarastarǵa jol joq - Prezıdent

NUR-SULTAN. QazAqparat – QR Prezıdenti Qasym-Jomart Toqaev Ulttyq ǵylym akademııasynyń 75 jyldyǵyna arnalǵan saltanatty sessııada ǵalymdardyń demkoratııalyq qoǵam qurýdaǵy róline toqtaldy, dep habarlaıdy QazAqparat tilshisi.

«Birge bolsaq, biz mindetti túrde kóptegen kedergini eńsere alamyz. Shynaıy dem o kratııalyq, ádiletti memleketti birge qura alamyz. Ǵalymdardyń, akademııalyq qaýymdastyqtyń róli bul úderisterdiń bárinde óte mańyzdy.

Aqyl-oıdyń alyptary men ǵulama zertteýshiler árdaıym qoǵam damýynyń alǵy shebinde júredi. Olar synı oılaýdy qalyptastyryp, kóne zamandaǵy nadandyqqa qarsy turdy, jalǵan bilimpazdar men popýlısterge dáıekti tosqaýyl qoıa bildi», - dedi Memleket basshysy.

Sondaı-aq, ol Qazaqstanda irgeli ilimdermen birge eski nanymnyń sarqynshaqtary da qatar ómir súrip kele jatqanyn synady.

«Ókinishke qaraı, elimizde túrli yrymshyldyqpen jaýyr bolǵan qasań qaǵıdalarmen jáne jalǵan ǵylymı túsiniktermen baılanysty qubylystar qylań berip qalady.

Damýdyń obektıvti zańdary týraly ǵylymı túsinigi bar qoǵamda qaıdaǵy bir destrýktıvti kózqarastarǵa jol joq. Ondaı ortada bilim men progrestiń kýlti saltanat qurýy kerek.

Jańa ıdeıalardy ómirge ákeletin erkindik pen shyǵarmashylyqtyń atmosferasy qazirgi álemde tabystyń negizgi faktorynyń biri bolyp esepteledi. Ǵylymı kabınetter men ǵylymı qyzý pikirsaıystarda básekege qabiletti ulttyń irgetesi qalanady», - dedi Qasym-Jomart Toqaev.

Sondaı-aq, Memleket basshysy 5 maýsymda ótetin referendým eldegi saıası transformatsııanyń sońǵy satysy emes ekenin eskertti.