Bilimdi jan basyna qaraı qarjylandyrý: Mektepter árbir oqýshy úshin talasady

ASTANA. QazAqparat - Bilim berý salasyn jan basyna qaraı qarjylandyrý júıesi mektepter arasyndaǵy básekelestikti kúsheıtip, bilim berý sapasyn kóteredi degen jospar bar. QR Qarjy mınıstri Baqyt Sultanovtyń aıtýynsha, kelesi jyly bir oqýshyǵa bólinetin bıýdjet aqshasy 300 myń teńgege deıin artady, dep xabarlaıdy QazAqparat tilshisi.

«Aldaǵy úsh jylda orta bilim salasyn jan basyna qaraı qarjylandyrý júıesiniń qazirgi pılottyq jobasyn keńeıtý kózdelip otyr. 2018 jyly qyrkúıek aıynan bastap Astananyń barlyq 85 mektebi atalǵan júıege kóshedi. 2019 jylda oǵan 239 mektebimen Almaty qalasy da qosylady. Al 2020 jyldan bastap respýblıkanyń 3 981 mektebinde jan basyna qarjylandyrý júıesi engiziledi», - dedi Sultanov búgin «2018-2020 jyldarǵa arnalǵan respýblıkalyq bıýdjet týraly» zańnyń jobasyn tanystyrý barysynda.

Onyń aıtýynsha, bir oqýshyǵa ketetin ortasha shyǵyndardyń mólsheri 299,4 myń teńgeni quraıdy. 2017 jylda atalǵan kórsetkish 206,6 myń teńge kóleminde belgilengen.

Jalpy, elimizde bilim berý salasyna jan basyna qaraı qarjylandyrý júıesin engizý sharalaryna 153,9 mıllıard teńge qarastyrylǵan. Al barlyq bilim berý júıesin damytýǵa 2018-2020 jyldar ishinde 1 trln 108,9 mıllıard teńge jumsalady.

Aıta keteıik, búgin mınıstr Sultanov depýtattarǵa zeınetaqynyńqalaısha kóteriletinin baıandap berdi.