Bilimdi ulyqtaýdyń keń qanat jaıýyna baǵyttalǵan jobalardy iske asyrý múmkindikterin qamtamasyz etý qajet - M. Qul-Muhammed
Bul týraly búgin Úkimet otyrysynda «Qazaqstannyń el birligi» doktrınasy jaıynda baıandama jasaǵan Mádenıet mınıstri Muhtar Qul-Muhammed málim etti, dep habarlaıdy QazAqparat.
Mınıstrdiń sózine qaraǵanda, eldiń ıntellektýaldyq áleýetin ári qaraı damytýdyń mańyzdylyǵy men qajettiligin eskere otyryp, ústimizdegi jyly memlekettik jáne salalyq baǵdarlamalardyń strategııalyq josparlary aıasynda ony qalyptastyrýǵa baǵyttalǵan sharalar keshenin qarastyrý qajet. «Sondaı-aq josparǵa sáıkes Qazaqstan Respýblıkasynda bilimdi damytýdyń 2011-2020 jyldarǵa arnalǵan memlekettik baǵdarlamasyn Úkimetke engizý kerek. Jastar men jastar uıymdaryna arnalǵan resýrstyq ortalyqtar arqyly bilimdi ulyqtaýdyń keń qanat jaıýyna baǵyttalǵan jobalardy iske asyrý múmkindikterin qamtamasyz etý qajet», dep atap ótti M. Qul-Muhammed.
Osy oraıda mınıstr otandyq ǵylym, bilim, mádenıet, sport ókilderi qol jetkizgen jetistikterdi keńinen nasıhattaý kerektigin atap ótti. «2010 jylǵa arnalǵan «Qazaqstannyń el birligi» doktrınasyn iske asyrý jónindegi is-sharalar josparynyń negizgi baǵdary osyndaı», dedi M. Qul-Muhammed.