Bilim jáne ǵylym salasynda sapany qamtamasyz etý komıtetine jańa basshy keldi

NUR-SULTAN. QazAqparat - QR Bilim jáne ǵylym mınıstriniń buıryǵymen Gúlzat Іsbasarqyzy Kóbenova QR Bilim jáne ǵylym mınıstrliginiń Bilim jáne ǵylym salasynda sapany qamtamasyz etý komıtetiniń tóraǵasy laýazymyna taǵaıyndaldy. Bul týraly QR Premer-Mınıstriniń baspasóz qyzmeti habarlaıdy.

Gúlzat Kóbenova 1978 jyly Aqtóbe oblysynda dúnıege kelgen. Q. Jubanov atyndaǵy Aqtóbe memlekettik ýnıversıtetin, E. Bóketov atyndaǵy Qaraǵandy memlekettik ýnıversıtetin támamdaǵan.

Eńbek jolyn 1998 jyly Q. Jubanov atyndaǵy Aqtóbe memlekettik ýnıversıtetiniń tarıh kafedrasynyń oqytýshysy bolyp bastaǵan.

2002-2009 jyldary Q. Jubanov atyndaǵy Aqtóbe memlekettik ýnıversıtetinde jáne Aqtóbe pedagogıkalyq ınstıtýtynda basshylyq qyzmetterdi atqardy.

2009 jyldan bastap 2010 jylǵa deıin — QR Mádenıet jáne aqparat mınıstrliginiń Aqparat jáne muraǵat komıtetiniń aqparat basqarmasynyń sarapshysy, basshysy qyzmetterin atqardy.

2010 jyldan bastap 2018 jylǵa deıin QR Bilim jáne ǵylym mınıstrliginde basshylyq laýazymdarda jumys istedi.

2018-2019 jyldary — QR Tuńǵysh Prezıdenti – Elbasy N. Nazarbaev kitaphanasy dırektorynyń orynbasary. 2019 jylǵy qańtar-qyrkúıek aralyǵynda QR Prezıdenti Keńsesiniń sektor meńgerýshisi jáne ınspektory laýazymdaryn atqardy.

2019 jylǵy qyrkúıekten bastap 2020 jylǵy qańtarǵa deıin — QR BǴM Bilim jáne ǵylym salasyndaǵy baqylaý komıtetiniń tóraıymy.

2020 jylǵy qańtardan bastap qazirge deıin QR BǴM Bilim jáne ǵylym salasynda sapany qamtamasyz etý komıtetiniń tóraǵasy bolyp jumys istedi.