Bilim jáne ǵylym mınstrligi men «Samuryq-Qazyna» kadrlardy birlesip daıarlaý úshin memorandým jasasty

ASTANA. 29 maýsym. QazAqparat - QR Bilim jáne ǵyly mınıstrli men «Samuryq-Qazyna» qory arasnyda kadrlardy daıarlaý, qaıta daıarlaý jáne olardyń biliktiligin arttyrý máseleleri jónindegi memorandýmǵa qol qoıyldy.

Atalǵan qujat búgin elordada ótken «Bilim men bıznes - el ıgiligi úshin birlikte» atty respýbılkalyq konferentsııa barysynda rásimdeldi.

Memorandýmǵa sáıkes qor  damý ınstıtýttary men ulttyq kompanııalardy kásibı standarttar jasaý arqyly olardy júzege asyrý isine tartady. Mamandardyń kásibı qyzmeti men sertıfıkatyn baǵalaý júıesin engizedi.  Sonymen qatar qordyń kompanııalar toby joǵary oqý oryndaryn bitirýshilerdiń kásibı tájirıbe alý men jumysqa ornalasýyna múmkindik jasaıtyn bolady.

«Biz iri jumys berýshi retinde oqý bitirýshilerdi jumysqa ornalastyrýdy jalǵastyryp, ónidiristik tájirıbe oryndaryn usynamyz. Oqytý ortalyqtaryn, zerthanalar  jasap,  oqý oryndarynyń materıaldyq-tehnıkalyq bazasyn kúsheıtýge kúsh salamyz», - dedi qor basqarmasy tóraǵasynyń orynasary Qýandyq Bıshimbaev.