Bilim jáne ǵylym mınıstrligi 25 joǵary oqý ornynan 60 lıtsenzııany qaıtaryp aldy

NUR-SULTAN. QazAqparat - Memleket basshysynyń joǵary bilim berý sapasyn qamtamasyz etý jónindegi tapsyrmasy aıasynda BǴM tıisti sharalardy qabyldap jatyr, dep habarlıady QazAqparat.

QR BǴM Bilim jáne ǵylym salasyndaǵy sapany qamtamasyz etý komıteti 25 joǵary oqý ornynyń kadrlardy daıyndaý baǵyttary boıynsha lıtsenzııasyna 60 qosymshasyn qaıtaryp aldy. Olardyń basym bóligi Komıtettiń tekserisinen keıin qaıtaryldy.

Negizinen bul JOO-lar «Pedagogıkalyq ǵylymdar», «Óner», «Gýmanıtarlyq ǵylymdar», «Jaratylystaný ǵylymdary», «Tehnıka ǵylymdary», «Qyzmet kórsetý» jáne «Áleýmettik jumys», «Áleýmettik ǵylymdar» baǵyttary boıynsha kadrlar daıarlaýdy júzege asyrdy.

Júrgizilgen tekserý nátıjeleri boıynsha JOO-lar normatıvtik quqyqtyq aktilerdi saqtamaǵany anyqtaldy. Olqylyqtarǵa negizinen talapkerlerdi qabyldaý, professor-oqytýshylar quramynyń biliktiligin arttyrý, konkýrs arqyly almastyrý, oqý júktemesin josparlaý, bilim alýshylardy qorytyndy attestattaý, dıplom blankilerin esepke alý jáne t.b. boıynsha jol berilgen.