Bilim salasynyń qyzmetkerleri saılaýlardyń joǵary deńgeıde ótýine árdaıym atsalysýda - M.Amantaeva

ASTANA. QazAqparat - Salalyq bilim jáne ǵylym qyzmetkerleri kásipodaǵynyń músheleri Májiliste kezekten tys saılaý ótkizý týraly sheshimdi qoldaıdy. Bul týraly búgin Ortalyq kommýnıkatsııalyq qyzmetindegi baspasóz máslıhatynda Qazaqstandyq salalyq bilim jáne ǵylym qyzmetkerleri kásipodaǵynyń tóraıymy Maıra Amantaeva málim etti.

«QR Kásipodaqtary federatsııasynda 2,2 mıllıonnan astam múshesi bar, sonyń ishinde eń irisi - salalyq bilim jáne ǵylym qyzmetkerleriniń kásipodaǵy. Keshe Prezıdentiń Májilis depýtattarynyń kezekten tys saılaýyn taǵaıyndaý týraly Jarlyǵyna baılanysty qabyldanǵan sheshimdi bizdiń salalyq kásipodaqtyń músheleri tolyq quptaıdy», - dedi Maıra Amantaeva.

Sonymen qatar kásipodaq  tóraıymy saılaý ýchaskeriniń kóbisi mektepterde, joǵary oqý oryndarynyń ǵımarattarynda ornalasqanyn aıta kele,  árdaıym bilim salasynda eńbek etip júrgender Qazaqstandaǵy saılaýlardyń durys ótýine atsalysyp júrgenin atap ótti.

Budan bólek, Maıra Amantaeva álemdik daǵdarysqa qaramastan, Qazaqstanda bilim salasy qyzmetkerleriniń eńbekaqysy ósip otyrǵandyǵyn, salada aýqymdy sharalar atqarylyp jatqandyǵyn, 2017 jyldan bastap kásiptik-tehnıkalyq bilim mekemelerde balalardy tegin oqytý turǵysynda mańyzdy bastamasy qoldanylǵaly otyrǵanyn atap ótti.

«Aldymyzdaǵy 20 naýryzda ótetin saılaýǵa túgeldeı qatysyp, saılaý ýchaskelerinde qyzmet isteıtin bilim salasynyń qyzmetkerleri tıisti deńgeıde atsalysady degen oıdamyn»,-dedi kásipodaq tóraıymy.