Bilim salasyndaǵy negizgi kapıtalǵa salynǵan ınvestıtsııa kólemi 15,7 paıyzǵa qysqardy
2021 jyldyń qańtar-qazanynda bilim salasyndaǵy negizgi kapıtalǵa salynǵan ınvestıtsııa kólemi ótken jyldyń 11 aıymen salystyrǵanda shynaıy mánde 15,7 paıyzǵa qysqaryp, 175,2 mlrd teńgeni qurady. Bir jyl buryn sektordaǵy ınvestıtsııa kólemi 20,8 paıyzǵa ulǵaıyp, 201,8 mlrd teńgeni quraǵan bolatyn.
Bilim berý salasyndaǵy ınvestıtsııa kóleminiń jartysynan kóbi myna 4 óńirge tıesili: Almaty (31,3 mlrd teńge), Túrkistan oblysy (22,3 mlrd teńge), Shymkent (19,9 mlrd teńge) jáne Nur-Sultan (18,8 mlrd teńge).
Investıtsııanyń eń tómengi kólemi Qazaqstannyń batys óńirlerinde oryn aldy: Batys Qazaqstan (3 mlrd teńge), Aqtóbe (3,2 mlrd teńge), Mańǵystaý (3,4 mlrd teńge) jáne Atyraý (3,7 mlrd teńge) oblystary.
Bıyl bilim salasyna quıylǵan ınvestıtsııanyń jartysynan kóbi, naqty aıtqanda 97,4 mlrd teńgesi jergilikti bıýdjetterden tústi. Al bir jyl buryn olardyń úlesi jalpy ınvestıtsııanyń úshten ekisin quraǵan.
Kásiporyndardyń óz qarajaty jáne respýblıkalyq bıýdjet qarjysy esebinen salynǵan ınvestıtsııa kólemderi tıisinshe 40,1 mlrd jáne 21,9 mlrd teńge boldy.
Banktik emes zaem qarajat esebinen qarjylandyr kólemi aıtarlyqtaı ósip, 7,9 mln teńgeden 9,1 mlrd teńgege deıin artty. Bilim salasyndaǵy ınvestıtsııa qurylymynda bankterdiń kredıti 6,2 mlrd teńgeden 6,6 mlrd teńgege deıin ósti.