Bilim salasynda sapany qamtamasyz etý departament basshylarynyń telefon nómirleri jarııalandy
Azamattardyń ótinishterine jedel den qoıý maqsatynda Oqý-aǵartý mınıstrligi bilim berý salasyndaǵy sapany qamtamasyz etý aýmaqtyq departamenti birinshi basshylarynyń uıaly jáne jumys telefondary nómirlerin jarııalady. Sonymen qatar departament basshylarynyń áleýmettik jelilerdegi akkaýnttary jáne orynbasarlarynyń telefon nómirleri de kópshilik nazaryna usynyldy.
«Qazaqstandyqtar bilim salasyndaǵy kez kelgen másele boıynsha aýmaqtyq departament basshylaryna tikeleı habarlaı alady. Mysaly, muǵalimderdiń mindetine jatpaıtyn jumysqa tartylýy, pedagogıkalyq etıkany buzý, bilim berý uıymdarynda qaýipsizdik júıesi elementteriniń (beınebaqylaý kameralary, dabyl túımeleri) joqtyǵy nemese durys jumys istemeýi týraly jáne t.b. Azamattar jaýapty qyzmetkerlerge habarlasý arqyly keri baılanys pen qabyldanǵan sharalar týraly aqparat alady», - dep jazdy mınıstrlikten.
Buǵan deıin Oqý-aǵartý mınıstri Ashat Aımaǵambetov bilim basqarmalary men aýmaqtyq departamentterdiń basshylaryna óńirlerden túsken ótinishter, shaǵymdar men usynystardy jedel qaraýdy tapsyrǵan bolatyn.