Bilim salasynda basqarýshy kadrlar jetispeıdi
«Bilim júıesin qarjylandyrý salasyna da qazir aıtarlyqtaı ózgerister engizilip jatyr. Sizdiń (Memleket basshysyna) Tamyz keńesinde bergen tapsyrmańyzdyń aıasynda bilim júıesin basqarýdyń modeli transformatsııaǵa ushyraýda. Birinshi ret mektepter men balabaqshalardyń dırektorlaryn, dırektorlardyń orynbasarlaryn attestattaýdan ótkizip, emtıhan qorytyndysy boıynsha olarǵa tıisti sanat beriledi. Sol sanatqa baılanysty 100 paıyzdyq eńbekaqy kóleminde ústemeaqy beriledi», - dedi Ashat Aımaǵambetov Ulttyq qoǵamdyq senim keńesiniń otyrysynda.
Mınıstrdiń aıtýynsha qazir bilim salasynda basqarýshy kadrlardyń jetispeýshiligi seziledi.
«Sebebi mekteptiń dırektory nemese orynbasary muǵalimnen qaraǵanda edáýir az aqsha alady. Al aınalyp kelgende olarǵa túsetin jumys júktemesi óte aýyr. Sol sebepti osyndaı sharalardy júzege asyramyz», - dedi mınıstr.