Bilim ordalaryndaǵy tártipti nyǵaıtý úshin qamqorlyq keńesteriniń jumysyn jetildirgen jón - J.Túımebaev

sp;ASTANA. Qarashanyń 23-i. QazAqparat /Aıdar Ospanalıev/ - Azamattyq forým halyqpen tyǵyz qarym-qatynasta jumys isteıtin irgeli uıymǵa aınalyp otyr. Búginde ony qoǵamda bolyp jatqan úderisterdiń ólsheýishi deýge bolady. Bul týraly búgin Astanada ótip jatqan IV Azamattyq forým barysynda Bilim jáne ǵylym mınıstri Janseıit Túımebaev málim etti,

 dep habarlaıdy QazAqparat.

Onyń aıtýynsha, forým elimizdegi kóptegen máselelerdi sheshýge yqpal ete alatyn uıym. Sondyqtan da Bilim jáne ǵylym mınıstrligi úkimettik emes uıymdarmen tyǵyz jumys istep keledi. Tek orta bilim berý salasynyń ózinde úkimettik emes sektor aýqymdy jumystar atqaryp keledi. «Qazirgi tańda eldegi barlyq mektepterde ata-analar komıteti jumys isteıdi. Bizdiń endigi maqsatymyz osy oqý oryndaryndaǵy qamqorlyq keńesteriniń jumystaryn belsendirý bolyp otyr. Elde osy kezde 8 myńǵa jýyq mektep bar. Qamqorlyq keńesteri olardyń árqaısysynyń ashyq, taza, ar-ujdan negizinde jumys isteýin baqylaýǵa alyp, jaǵdaıdy qadaǵalap otyrýlary kerek. Al keńes quramyna sol mekteptiń túlekteri, ákimdik pen jergilikti ata-analar komıtetiniń múshelerin engizýge bolar edi. Eger biz osy isti sátimen júrgizetin bolsaq odan utarymyz kóp», dedi mınıstr.

Onyń sózine qaraǵanda, qamqorlyq keńesteriniń jumysy osy kezde joǵary oqý oryndarynda da nyǵaıtylýda.