Bilim mınıstrligi oqýshylar olımpıadalaryna qatysty túsinik berdi

NUR-SULTAN. QazAqparat –Bilim mınıstrligi uıymdastyratyn olımpıadalar oqýshylar úshin aqysyz negizde bolady. Bul týraly QR Bilim jáne ǵylym vıtse-mınıstri Sholpan Karınova aıtty, dep habarlaıdy QazAqparat tilshisi.

«Balalardyń daryndylyǵyn qoldaý – zııatkerlik olımpıadalar, jalpy bilim beretin pánder boıynsha ǵylymı jobalar, konkýrstar, kásibı sheberlik konkýrstary jáne sporttyq jarystar ótkizý arqyly birneshe baǵytta júzege asyrylady. Bilim jáne ǵylym mınıstrligi ótkizetin zııatkerlik olımpıadalar men konkýrstardy «Daryn» respýblıkalyq ortalyǵy, shyǵarmashylyq jáne kórkemdik baǵyttardy Respýblıkalyq qosymsha bilim berý ortalyǵy, sondaı-aq sporttyq baǵytta Respýblıkalyq dene shynyqtyrý jáne sport ortalyǵy úılestiredi. Aıta ketý kerek, Bilim jáne ǵylym mınıstrligi ótkizetin barlyq jarystar, onyń ishinde zııatkerlik olımpıadalar da, shyǵyrmashylyq ári sporttyq jarystar da bıýdjet qarajaty esebinen júrgiziledi», - dedi Sh. Karınova Ortalyq kommýnıkatsııalar qyzmetinde.

Osy oraıda ol bul jarystar oqýshylar úshin tegin ekenin naqtylady.

«Olımpıadalar men jarystardyń qorytyndylary boıynsha jeńimpazdar men júldegerlerge tıisti deńgeıdegi dıplomdar jáne barlyq qatysýshyǵa sertıfıkattar beriledi. Olar óte mańyzdy. Óıtkeni daryndylyqty damytý, qoldaý, sondaı-aq olardy yntalandyrý ár daryndy oqýshyny ary qaraı jigerlendirýge áser etedi. Dıplomdar men sertıfıkattardy berý de tegin túrde júrgiziledi», - dedi vıtse-mınıstr.