Bilim mınıstrligi mektepke kirgizýge tyıym salynǵan zattar tizimin bekitti

NUR-SULTAN. QazAqparat – QR Bilim jáne ǵylym mınıstrligi mektepte paıdalanýǵa tyıym salynǵan zattardyń tizimin bekitti, dep habarlaıdy QazAqparat Bilim jáne ǵylym mınıstrligine silteme jasap.

«QR Bilim jáne ǵylym mınıstriniń buıryǵymen bilim berý uıymdaryna kirgizýge tyıym salynǵan jáne paıdalanýǵa shekteý qoıylǵan zattar tizbesi bekitildi. Bul tizimge qarýdyń barlyq túri, oq-dáriler, jarylǵysh zattar, sondaı-aq tesýge jáne kesýge arnalǵan zattar kiredi. Jańa normany engizý balalarǵa qaýipsiz jáne jaıly oqý ortasyn qurýǵa, quqyqbuzýshylyqtardy ýaqytyly anyqtaýǵa jáne onyń aldyn alýǵa múmkindik beredi», - delingen mınıstrlik habarlamasynda.

Osylaısha, mektepterge qarýlar men oǵan uqsas zattardy ákelýge qatań tyıym salynady.

«Budan basqa, bilim berý uıymdarynda kesýge arnalǵan jáne ótkir zattardy, ónerkásiptik quraldardy, oq-dárilerdi, jarylǵysh, ýly, psıhoaktıvti zattardy ákelýge jáne paıdalanýǵa jol berilmeıdi. Balalardyń tyıym salynǵan zattardy bilim berý uıymdaryna kirgizgeni úshin olardyń ata-analary men zańdy ókilderi jaýapty bolady», - deıdi QR BǴM.