Bilim mınıstrligi mektepke deıingi bilim berýdegi kemshilikterdi atady
«Mektepke deıingi uıymdarda 2011 jyldan bastap lıtsenzııalaý júrgizilmeıdi. Biraq, 2012 jyldan bastap memlekettik attestattaý júrgiziledi. Búgingi kúni memlekettik attestattaý 81 mektepke deıingi uıymda ótkizý josparlanyp otyr. Memlekettik attestattaý jańa formatynyń erekshiligi – bilim berý uıymyna barmaı 5 jylda bir ret ózin ózi baǵalaý negizinde ótkizý», - dedi ol mınıstrliktiń apparat jınalysynda.
Onyń aıtýynsha, búgingi kúni 81 mektepke deıingi uıymnyń 77-sinde memlekettik attestattaý júrgizildi. Biraq, 78 paıyzy attestatsııadan ótpedi. Attestattalmaǵan mektepke deıingi bilim berý uıymdarynyń basym bóligi Almaty, Atyraý, Solústik Qazaqstan oblystarynda ornalasqan.
«Memlekettik attestattaý materıalyn taldaý mektepke deıingi uıymdardyń memlekettik jalpyǵa mindetti standart talaptaryn buzatyndyǵyn kórsetip otyr. SNYŃ ishinde baǵdarlamalardyı gerý kezinde jas erekshelikterin, oqý sabaqtarynyń uzaqtyǵyn saqtamaý, toptardyń eń tómengi materıaldyq-tehnıkalyq bazasy men oqý-ádistemelik jabdyqtalýynyń sáıkesssizdigi, erekshe bilim berýge qajettiligi bar balalar úshin jaǵdaı jasamaý bar», - dedi komıtet tóraǵasy.
Gúlzat Kóbenovanyń atap ótýinshe, mektepke deıingi bilim berý uıymdaryndaǵy qyzmetterge ata-analardyń qanaǵattaný deńgeıin anyqtaý úshin saýalnama júrgizilgen.
«Saýalnalardy aldyn ala taldaý mektepke deıingi mekemelerde densaýlyq saqtaýdyń qarapaıym daǵdylaryn tısti deńgeıde úıretpeıtindigin kórsetti. Mysaly, Túrkistan oblysynda, Almaty, Soltústik Qazaqstan oblystarynda tárbıeshiler balalardy gıgıenalyq protsedýralardy óz betinshe oryndaýǵa, qaýipsizdik erekshelerin saqtaýǵa úıretpeıdi. Mektep aldyndaǵy balalardyń tanymdyq daǵdylaryn damytýda da problemalar anyqtaldy. Atap aıtar bolsaq, Aqmola, Pavlodar, Túrkistan oblystarynda balalardyń 16 paıyzy oqýǵa qyzyǵýshylyq tanytpaıdy. Balalar qalam ustaı almaıdy, sýret sala almaıdy. Qyzylorda, Batys Qazaqstan oblystarynda balalardyń 13 paıyzynda ýaqyt sııaqty qarapaıym matematıkalyq uǵym týraly túsinik qalyptaspaǵan. Aqtóbe, Túrkistan, Shyǵys Qazaqstan oblystarynda balalardyń 6 paıyzynda konstrýktıvti daǵdylar joq, ıaǵnı toppen júmys isteı almaıdy. Qostanaı, Mańǵystaý oblystarynda, Nur-Sultan qalalalarynda balalardyń 4 paıyzy ana tilindegi dybystardy durys aıta almaıdy. Sonymen qatar Aqmola, Qyzylorda oblystarynyń jáne Shymkent qalasynyń ata-analary mektepke deıingi bilim berý sapasyna qanaǵattanbaıtyndyǵyn atap ótti. Al Atyraý oblysynda ata-analardyń ornyna saýalnamany balabaqsha ákimshiliginiń toltyrýy anyqtaldy», - dedi komıtet tóraǵasy.