Bilim mınıstrligi koronavırýsqa qarsy vaktsınany patenttemek

NUR-SULTAN. QazAqparat – QR Bilim jáne ǵylym mınıstrliginiń Ǵylym komıtetiniń «Bıologııalyq qaýipsizdik problemalarynyń ǵylymı-zertteý ınstıtýty» RMK (BQPǴZI) QR ÁM «Ulttyq zııatkerlik menshik ınstıtýty» RMK-ǵa (KAZPATENT) COVID-19 aldyn alýǵa arnalǵan vaktsınany jáne koronavırýstyq ınfektsııa shtammyn ázirleý jónindegi eki patenttik ótinim berdi.

Bul týraly QazAqparat QR Ádilet mınıstrliginiń resmı saıtyna silteme jasap habarlaıdy.

Qazirgi tańda eki ótinim de KAZPATENT-tiń formaldy saraptama kezeńinen ótti.

«Kúni búginge deıin BQPǴZI ǵalymdary patent alý úshin eki ótinim berdi:

1. 2020 jylǵy mamyr aıynda - «COVID-19 aldyn alý úshin ásersizdendiretin vaktsınany alý tásili»;

2. 2020 jylǵy tamyz aıynda - «COVID-19 koronavırýstyq ınfektsııasyna qarsy vaktsınalardyń erekshe profılaktıkalyq quraldaryn ázirleý, laboratorııalyq dıagnostıkalaý jáne bıologııalyq qorǵanysynyń tıimdiligin baǵalaý úshin qoldanylatyn COVID-19 koronavırýstyq ınfektsııasy vırýsynyń «SARS-CoV-2/KZ_Almaty/04.2020» shtammy».

«Qazirgi kezde ótinimder máni boıynsha saraptama kezeńinen ótýde. Saraptamanyń nátıjesi oń bolǵan jaǵdaıda ónertabys patentteledi» - dep habarlady KAZPATENT dırektory Ermek Qýantyrov.

Patent ónertabystyń patentke qabilettiligin, atap aıtqanda, «jańalyq», «ónertabystyq deńgeıge jetkendigi», «ónerkásipte qoldanýǵa jaramdylyǵy» sharttaryna sáıkes kelýin tekseretin saraptamanyń nátıjeleri boıynsha beriledi.