Bilim mınıstri úlken áleýetke ıe oqý men kásip túrlerin atady
«Bolashaq mamandyqty tańdaýǵa qatysty da aıta keteıin. Jınaǵan ball kólemine nemese basqa bir faktorlarǵa baılanysty qabyldanǵan sheshim qate ekenin este saqtańyz.
Oqý men kásiptiń 3 túri úlken áleýetke ıe dep oılaımyn. Birinshi - jas muǵalim. Qazir bul mamandyq turaqtylyqtyń kepiline aınaldy. Elimizde jaqsy muǵalimderge suranys óte joǵary. Qazir jalaqy da, damý men mansaptyq ósý múmkindikterine de jaǵdaı jasalǵan. Sonymen qatar osy baǵytqa 9,5 myń grant bólinip, eń joǵary stıpendııa taǵaıyndalady, odan bólek, jalaqy jyl saıyn 25 paıyzǵa ósip otyrady», - dep jazdy mınıstr Facebook paraqshasynda mektep bitiretin túlekterge arnaǵan hatynda.
Sonymen qatar ol ınjenerlik men ǵylymnyń áleýeti zor ekendigin atap ótti.
«Ekinshi – jas ınjener. Prezıdent tehnıkalyq mamandyqtardyń mańyzdylyǵyn atap ótken bolatyn. Myqty ınjener bolsańyz, onda siz kez kelgen jerde básekege qabiletti bolasyz. Ózderińiz biletindeı, júzdegen jas qazaqstandyq Google, Amazon jáne álemge áıgili basqa da kompanııalarda jumys isteıdi. Úshinshi - jas ǵalym. Qazaqstan ǵylymy qarqyndy damyp keledi. Otandyq ǵalymdar QazVac vaktsınasyn jasady. Sondaı-aq jas ǵalymdar búkil álem boıynsha ǵylymı jarystarda aldyńǵy oryndarda. Olardyń jobalaryna sheteldik kompanııalar seriktestik usynyp júr. Odan bólek, biz ǵalymdarǵa barynsha qolaıly jaǵdaı jasap jatyrmyz. Atap aıtqanda, ǵylymı granttar bólý, sheteldik ǵylymı ortalyqtarda taǵylymdamadan ótý jáne taǵy basqalary. Sizderdiń aralaryńyzdan da Sátbaev isin jalǵastyrýshy myqty ǵalym shyǵýy ábden múmkin», - dedi Ashat Aımaǵambetov.