Bilim mınıstri muǵalimderge beriletin qosymsha tólemder týraly aıtty
12:10, 02 Qyrkúıek 2020
NUR-SULTAN. QazAqparat – Muǵalimderdiń jalaqysyn 25 paıyzǵa arttyrý boıynsha tıisti qarajat bıýdjet jobasynda tolyǵymen qarastyryldy. Bul týraly QR Bilim jáne ǵylym mınıstri Ashat Aımaǵambetov málim etti, dep habarlaıdy QazAqparat tilshisi.
«Prezıdenttiń muǵalimderdiń jalaqysyn 2021 jylǵy 1 qańtardan bastap 25 paıyzǵa arttyrý tapsyrmasy boıynsha tıisti qarajat bıýdjet jobasynda tolyǵymen qarastyryldy. Buǵan qosa, Memleket basshysynyń tapsyrmasy aıasynda qyrkúıek aıynan bastap dápter tekserý úshin ústemaqy eki ese, synyp jetekshiligi úshin alatyn ústemaqy eki ese artatyn bolady», - dedi mınıstr Úkimet otyrysynda.
Sonymen qatar ol magıstr dárejesi bar muǵalimder 27 myń teńge somasynda jańa ústemaqy alatynyn eske saldy.
Aıta keteıik, Memleket basshysy Qasym-Jomart Toqaev 2021 jyldyń qańtar aıynan bastap muǵalimderdiń eńbekaqysyn 25 paıyzǵa kóbeıtý jóninde sheshim qabyldady.