Bilim mınıstri: Dástúrli oqý rejımine kóshkennen keıin mektep formasyn kııý talap etilmeıdi
Bul týraly Ortalyq kommýnıkatsııalar qyzmetinde ótken onlaın-brıfıngte QR Bilim jáne ǵylym mınıstri Ashat Aımaǵambetov aıtty, dep habarlaıdy QazAqparat tilshisi.
«Mektep formasy - ózekti máselelerdiń biri. QR Bilim jáne ǵylym mınıstrligi buıryǵyna mektep formasyna qatysty ózgeris engizdik. Birinshiden, mektep formasy túbegeıli joıylǵan joq, biz oǵan qatysty «tótenshe jaǵdaı kezinde nemese basqa da shekteýli sharalarda bilim berý uıymdaryna mınıstrlik bekitken mektep formasymen kelmeýge bolady» degen qosymsha ereje engizdik», - deıdi Bilim jáne ǵylym mınıstri Ashat Aımaǵambetov.
Onyń aıtýynsha, jańa oqý jylynda birinshi toqsannan keıin dástúrli oqý rejımine kóshken jaǵdaıda mektepte eshkim ata-anadan balasyna mektep formasyn alý týraly talap qoımaıdy.
«Tájirıbe kórsetkendeı, bul sheshimniń de negizi bar. Bıznestiń osy túrimen aınalysatyn iri kompanııalardy túsinem. Olardyń mundaı qıyn kezeńde jańa oqý jylyna daıyndalǵan kompanııalardy qoldaý kerektigi týraly úndeýin estidim jáne oqydym, biraq biz 3,5 mln oqýshy sabaqqa baratynyn eskerýimiz kerek. Ekonomıkalyq jáne qazirgi jaǵdaıdy eskerip, mektep formasyna da qatysty qajetti jaǵdaı jasaý kerektigi týraly sheshim qabyldadyq. Mektep formalary barlar ol formany kıip júre alady, al mektep formasy joqtarǵa osyndaı jaǵdaı jasadyq», - deıdi ol.