Bilim mınıstri balalaryn jańa oqý jylyna qalaı daıyndaǵanyn aıtty

ASTANA. QazAqparat - Búgin elordadaǵy №80 mektep-gımnazııada ótken alǵashqy qońyraý aıasynda BAQ ókilderine suhbat bergen elimizdiń Bilim jáne ǵylym mınıstri Erlan Saǵadıev balalaryn jańa oqý jylyna qalaı daıyndaǵanyn aıtty, dep habarlaıdy QazAqparat.

«Olar mektepte tamyz aıynyń ortasynan bastap daıyndaldy. Onymen ózim aınalysyp, mektepke beligili bir deńgeıde bilim alyp barlaryna, álippemen, sózdermen tanystyrýǵa tyrystym. Jalpy, ata-analar daıyndyqty sál erterek bastaǵany jón bolar. Tym bolmaǵanda, olarǵa oqýǵa kitap, matematıkalyq tapsyrmalar berý kerek. Sonda bala jańa oqý jylynda ary qaraı ilip áketedi», - dedi mınıstr BAQ ókilderiniń saýalyna oraı.

Sonymen qatar Saǵadıev  «Jańa gýmanıtarlyq bilim. Qazaq tilindegi 100 jańa oqýlyq» baǵdarlamasy aıasynda atqarylyp jatqan jumystarǵa da toqtaldy.

«Biz jyldyń sońyna deıin 17 kitapty aýdaryp bitemiz. Aýdarylatyn oqýlyqtardy qoǵam qaıratkerleri, lıngvıster, fılosoftar, ǵalymdardan turatyn komıssııa iriktep aldy.  Búgingi kúni jumystar 80-85 paıyzǵa aıaqtaldy. Jyldyń sońyna deıin atalǵan 17 kitapty tolyq aýdaryp bitirip, jaryqqa shyǵaramyz. Jalpy 100 kitap aýdarylady. Bul jumystar úsh jyldyń ishinde júrgiziledi», - dedi ol.